កាលពីព្រឹកថ្ងៃទី០៩ ខែមេសា ឆ្នាំ២០២៥ កន្លងទៅ តំណាងក្រុមហ៊ុន ដាវី ស៊ីអេច អ៊ឹមផត អ៊ិចផត ឯ.ក បានយកអំណោយផ្តល់ជូនប្រជាពលរដ្ឋក្រីក្រខ្វះខាតចំនួនជាង ១០០គ្រួសារ ដែលរស់នៅក្នុងភូមិរបោះអង្កាញ់ និងភូមិរបោះអង្កាញ់មួយ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ។
ក្នុងឱកាសនោះ តំណាងក្រុមហ៊ុនបានអំពាវនាវឲ្យប្រជាពលរដ្ឋក្នុងភូមិ ដែលមិនមានការងារធ្វើ អាចដាក់ពាក្យចូលធ្វើការនៅរោក្រុមហ៊ុន ដាវី ស៊ីអេច បាន ដោយក្រុមហ៊ុន ដាវី ស៊ីអេច នេះ គឺកែច្នៃកាក់សំណល់ដែលគេបោះចោល ផលិតចេញទៅជាអាល់កុលធម្មជាតិ ហើយយើងក៏បានផ្គត់ផ្គង់អាល់កុលដែលផលិតបាន ជូនទៅមន្ទីរពេទ្យគុន្ធបុប្ផា និងមន្ទីរពេទ្យកុមារជាតិ ក្នុងមួយឆ្នាំទៅមួយឆ្នាំ ដោយមិនយកលុយនោះទេ។
លោកបានបន្តទៀតថា ដោយសារតែក្រុមហ៊ុន ដាវី ស៊ីអេច នេះទើបតែនឹងចាប់ផ្តើម ដូច្នេះ ផល់ប៉ះពាល់តែងតែមាន ដូច្នេះ លោកសុំចិត្តប្រជាពលរដ្ឋមេត្តាយោគយល់អធ្យាស្រ័យ បើផល់ប៉ះពាល់ត្រង់កន្លែងណាសូមជួយប្រាប់មកខាងក្រុមហ៊ុន ដោយយើងនឹងខិតខំកែតម្រូវបន្តិចម្តងៗ៕
