កម្លាំងនគរបាលស្រុកស្អាង បានអនុវត្តដីកាបង្គាប់ឲ្យចាប់ខ្លួនជនសង្ស័យម្នាក់ឈ្មោះ ចាន់ លីន (ហៅ ហយ) អាយុចូល ៤២ឆ្នាំ មានទីលំនៅភូមិព្រែកថ្មី ឃុំទឹកវិល ស្រុកស្អាង ខេត្តកណ្តាល។
ការចាប់ខ្លួននេះ ប្រព្រឹត្តឡើងកាលពីយប់ថ្ងៃទី១៥ កុម្ភៈ ២០២៥ នៅភូមិស្វាយតានី ឃុំព្រែកគយ ស្រុកស្អាង ។ ជនសង្ស័យ មានដីកាបង្គាប់ចំនួន ០២ដីកា ចេញដោយសាលាដំបូងខេត្តកណ្តាល ពាក់ព័ន្ធបទល្មើសជួញដូរសារធាតុញៀន។
ដីកាទី១ ចុះថ្ងៃទី ០៣ ខែកញ្ញា ឆ្នាំ ២០២៤ ពាក់ព័ន្ធអំពើជួញដូរគ្រឿងញៀននៅភូមិអន្លង់សេកលើ ឃុំព្រែកអំបិល ស្រុកស្អាង ថ្ងៃទី ០៤ ខែកក្កដា ឆ្នាំ ២០២៤។ ដីកាទីពីរចុះថ្ងៃទី ១៧ ខែធ្នូ ឆ្នាំ ២០២៤ ស្តីពីការជួញដូរគ្រឿងញៀននៅភូមិតួលស្ដី ឃុំតាលន់ ស្រុកស្អាង ថ្ងៃទី ២០ ខែតុលា ឆ្នាំ ២០២៤ ៕
