បុរសវ័យចំណាស់ពីរនាក់ បានរងរបួសធ្ងន់ ត្រូវបានបញ្ជូនទៅសង្គ្រោះនៅមន្ទីរពេទ្យបង្អែកជ័យជំនះក្រុងតាខ្មៅ បន្ទាប់ពីបើកម៉ូតូបុកគ្នាពេញទំហឹង កាលពីវេលាមោងជាង ៤រសៀល ថ្ងៃទី២២ ខែសីហា ឆ្នាំ២០២៤ នៅនៅត្រង់ចំណុចខាងមុខផ្ទះលោក សុង ម៉ាច ផ្លូវជាតិលេខ២១A ស្ថិតនៅភូមិលេខ១ សង្កាត់ស្វាយរលំ ក្រុងតាខ្មៅ ខេត្តកណ្ដាល ។
សមត្ថកិច្ចបានឲ្យដឹងថា នៅវេលាកើតហេតុខាងលើ មានម៉ូតូមួយគ្រឿង ម៉ាក HONDA DREAM ពណ៌ខ្មៅ ពាក់ផ្លាកលេខ ភ្នំពេញ JI-0498 បើកបរដោយឈ្មោះ ភិន សុភា ភេទប្រុស ៥០ឆ្នាំ ស្នាក់នៅនៅភូមិ២ សង្កាត់ស្វាយរលំ ក្រុងតាខ្មៅ (រងរបួសធ្ងន់) ជិះធ្វើដំណើរតាមបណ្ដោយផ្លូវលេខ២១A មានទិសដៅពី ជើងទៅត្បូង លុះដល់ចំណុចកើតហេតុ ក៏បានបុកជាមួយម៉ូតូមួយគ្រឿងទៀត ដែលបើកបរបញ្ច្រាសទិសគ្នា ម៉ាក SUZUKI VIVA ពណ៌ខ្មៅ ពាក់ផ្លាកលេខ កណ្ដាល 1A-3448 បើកបរដោយឈ្មោះ ភួង ផាន ភេទប្រុស អាយុ ៦០ឆ្នាំ ស្នាក់នៅភូមិព្រែកសំរោង២ សង្កាត់តាខ្មៅ ក្រុងតាខ្មៅ ខេត្តកណ្ដាល (រងរបួសធ្ងន់) អ្នកទាំងត្រូវបានរថយន្តសង្គ្រោះមន្ទីពេទ្យបង្អែកជ័យជំនះដឹកយកទៅព្យាបាល ។
សមត្ថកិច្ចបានឲ្យដឹងទៀតថា ករណីគ្រោះថ្នាក់ចរាចរណ៍នេះ គឺបង្កឡើងដោយអ្នកបើកបរម៉ូតូ SUZUKI VIVA បើកចូលចំណែកផ្លូវម៉តូ HONDA DREAM ។ ចំពោះមធ្យោបាយពាក់ព័ន្ធខាងលើ ត្រូវបានយកមករក្សាទុកនៅអធិការដ្ឋាននគរក្រុងតាខ្មៅ ដើម្បីចាត់ការតាមនីតិវិធីច្បា ៕
