កម្លាំងប៉ុស្តិ៍នគរបាលរដ្ឋបាលដើមមៀន សហការជាមួយកម្លាំងផ្នែកយុត្តិធម៍នៃអធិការដ្ឋាននគរបាលក្រុងតាខ្មៅ ដឹកនាំបញ្ជាដោយលោកវរសេនីយ៍ឯក យី វណ្ណដា អធិការនគរបាលក្រុងតាខ្មៅ នៅយប់ថ្ងៃទី២៧ ខែមេសា ឆ្នាំ២០២៤ បានធ្វើការស្រាវជ្រាវឈានដល់បង្ក្រាបឃាត់ខ្លួនជនសង្ស័យចំនួន ០៣នាក់ ពាក់ព័ន្ធនឹងករណីអំពើលួច និងប៉ុនប៉ងលួច នៅចំណុចផ្លូវជាតិលេខ២ ភូមិដើមគរ សង្កាត់ដើមមៀន ក្រុងតាខ្មៅ ខេត្តកណ្តាល ។
ប្រតិបត្តិការស្រាវជ្រាវឈានដល់ចាប់ខ្លួនជនសង្ស័យទាំង ៣នាក់ខាងលើ ធ្វើឡើងបន្ទាប់ពីទទួលពាក្យបណ្តឹងពី ឈ្មោះ កេង សុខឃឿន ភេទប្រុស អាយុ ៥០ឆ្នាំ ជនជាតិខ្មែរ ស្នាក់នៅ ភូមិដើមគរ សង្កាត់ដើមមៀន ក្រុងតាខ្មៅ ខេត្តកណ្តាល មុខរបរ តំណាងសាខាក្រុមហ៊ុនទូរគមនាគមន៍ខេត្តកណ្ដាល ។
បច្ចុប្បន្នជនសង្ស័យ និងវត្ថុតាងខាងលើ សមត្ថកិច្ចជំនាញ កំពុងកសាងសំណុំរឿងចាប់បញ្ជូនទៅតុលាការ ចាត់ការតាមនីតិវិធី ៕
