មកដល់ពេលនេះ ឃាតកដែលសម្លាប់ស្ត្រីម្នាក់ នៅបុរីឈូកវ៉ា២ ហើយធ្វើអត្តឃាតខ្លួន ប៉ុន្តែមិនស្លាប់ បានផ្តល់ចម្លើយទៅកាន់សមត្ថិច្ចហើយ ។
ជនសង្ស័យជាឃាតកមានឈ្មោះ លឹម គីណែត អាយុ ២៥ឆ្នាំ មានទីលំនៅភូមិព្រែកជីក ឃុំទន្លេបិទ ស្រុកត្បូងឃ្មុំ ខេត្តត្បូងឃ្មុំ បានរៀបរាប់ពីដំណើររឿងថា៖ ខ្លួនជាពលករនៅប្រទេសថៃ ហើយមានទំនាក់ទំនងស្នេហាជាមួយនារីរងគ្រោះរយៈពេលជាង ២ឆ្នាំមកហើយ ប៉ុន្តែមិនដែលបានជួបគ្នាផ្ទាល់ទេ គឺទំនាក់ទំនងតាមរយៈឆាត (FB) ។ ខ្លួនមិនបានដឹងថា ខាងនារីរងគ្រោះមានប្តី និងកូននោះទេ ហើយចំណែកខាងនាងក៏មិនបានប្រាប់ឲ្យខ្លួនដឹងថា នាងមានប្ដី មានកូននោះដែរ មិនតែប៉ុណ្ណោះខ្លួនក៏បានផ្ញើជាលុយកាក់ឲ្យនាងជាហូរហែថែមទៀតផង ។
ជនដៃដល់បាននិយាយទៀតថា ពេលថ្មីៗនេះ ទើបខ្លួនបានដឹងថា នាងមានប្ដី និងមានកូន ២នាក់រួចទៅហើយ ជាហេតុធ្វើឲ្យខ្លួនមានកំហឹ.ង និងគំនុំ ព្រោះតែនារីរងគ្រោះបោកប្រាស់ទំនុកចិត្តខ្លួន ។ ពេលនោះខ្លួនបានស៊ើបអំពីផ្ទះកន្លែងរស់នៅរបស់នារីរងគ្រោះដឹងច្បាស់អស់ហើយ ខ្លួនក៏បានរៀបចំផែនការសម្លា.ប់នាងចោល និងសម្លា.ប់ខ្លួនឯងតាមក្រោយ ។
បន្ទាប់មកក៏បានធ្វើដំណើរចាកចេញពីប្រទេសថៃ ដោយមានកាំបិតផង ហើយពេលដល់ស្រុកខ្មែរខ្លួនបានជួលរថយន្តតាក់ស៊ី ពណ៍ក្រហម ១គ្រឿង ជិះទៅកាន់ផ្ទះនារីរងគ្រោះរួចក៏ធ្វើសកម្មភាពចាក់សម្លា.ប់នាង និងអារ.កសម្លា.ប់ខ្លួនឯងតែម្ដង ។
នេះគ្រាន់តែជាការបង្ហើបឲ្យដឹងពីសមត្ថកិច្ចដែលបានទៅធ្វើការសាកសួរចម្លើយជនសង្ស័យ នៅក្នុងមន្ទីរពេទ្យរុស្ស៊ីតែប៉ុណ្ណោះ ចំណែកឯដើមចមពិតយ៉ាងណាទៀតនោះមិនត្រូវបានគេដឹងឡើយ ព្រោះពេលនេះគ្រាន់តែជាការអះអាងពីជនដៃដល់តែម្ខាង ចំណែកនារីរងគ្រោះបានស្លា.ប់បាត់ទៅហើយ មិនអាចបកស្រាយបានឡើយ ។
គួររម្លឹកថា អំពើឃាតកម្មខាងលើ បានកើតឡើងកាលពីវេលាម៉ោង ជាង ៣រសៀល ថ្ងៃទី១៨ ខែមេសា ឆ្នាំ២០២៤ នៅចំណុច ផ្ទះលេខ៣១ ផ្លូវ៣៦ បុរីឈូកវ៉ា២ ស្ថិតនៅក្នុងភូមិតិក្ខបញ្ញោ សង្កាត់សំរោងក្រោម ខណ្ឌពោធិ៍សែន ជ័យរាជធានី ភ្នំពេញ ។
ស្ត្រីដែលស្លា.ប់ ឈ្មោះ មាស លក្ខិ ណា អាយុ ២៤ឆ្នាំ ជនជាតិខ្មែរ មានប្ដី ឈ្មោះ ហួ ស៊ិន អាយុ ៣៧ឆ្នាំ ជាជនជាតិចិន មុខរបរ ធ្វើការនៅក្រុមហ៊ុនកិនថ្ម ក្នុងខេត្តកំពង់ស្ពឺ មានកូនប្រុស ២នាក់ សព្វថ្ងៃ ស្នាក់នៅក្នុងផ្ទះកើតហេតុខាងលើ ៕
