នៅវេលាម៉ោងប្រមាណជាង ៣ទៀបភ្លឺ ថ្ងៃទី០៤ ខែមករា ឆ្នាំ២០២៤នេះ មានអគ្គិភ័យឆាបឆេះផ្ទះប្រជាពលរដ្ឋនៅភូមិកំពង់ចម្លង ឃុំព្រែកទន្លាប់ ស្រុកលើកដែក ខេត្តកណ្ដាល (ផ្លូវចូលក្បាលសាឡាងចាស់) បណ្តាលឲ្យរងការខូចខាត់ចំនួន ០៣ខ្នង ។
ផ្ទះចំនួន ០៣ខ្នង ដែលត្រូវបានអគ្គិភ័យឆាបឆេះខាងលើ ទី១-ម្ចាស់ឈ្មោះ ឡាច ជរ ភេទប្រុស អាយុ ៦២ឆ្នាំ ជនជាតិខ្មែរ មុខរបរលក់ដូរ មានទីលំនៅភូមិកំពង់ចម្លង ឃុំព្រែកទន្លាប់ ស្រុកលើកដែក ខេត្តកណ្ដាល ផ្ទះធ្វើពីឈើដំបូលសង្ក័សី ទំហំ 5,5X50m ឆេះសម្ភារៈក្នុងផ្ទះខូចខាតទាំងស្រុង រួមនឹងប្រាក់រៀល ២០.០០០.០០០៛ (ម្ភៃលានរៀល) គិតជាទឹកប្រាក់ប្រហែលជា ៣០ម៉ឺនដុល្លា ។ ទី២-ម្ចាស់ផ្ទះឈ្មោះ ហាំង សេងហុង ភេទប្រុស អាយុ ៥២ឆ្នាំ ជនជាតិខ្មែរ មុខរបរលក់ដូរ មានទីលំនៅភូមិកំពង់ចម្លងឃុំព្រែកទន្លាប់ស្រុកលើកដែកខេត្តកណ្តាល ផ្ទះថ្មទំហំ 5,8X20m ឆេះសម្ភារៈខូចខាតពិដានចំហៀងខាងត្បូងប្រវែង 15m និងទី៣-ម្ចាស់ផ្ទះឈ្មោះ ឡុង នី ភេទប្រុសអាយុ ៦៩ឆ្នាំ ជនជាតិខ្មែរ មានទីលំនៅភូមិកំពង់ចម្លង ឃុំព្រែកទន្លាប់ ស្រុកលើកដែក ខេត្តកណ្តាល ផ្ទះថ្មទំហំ 6X20m ឆេះសម្ភារៈ និងខូចខាតជញ្ជាំងសង្ក័សីបាំងជញ្ជាំង ។
ករណីនេះ មិនបណ្តាលឲ្យគ្រោះថ្នាក់ដល់អាយុជីវិតប្រជាពលរដ្ឋឡើយ រីឯមូលហេតុតាមការបំភ្លឺរបស់ម្ចាស់ផ្ទះឈ្មោះ ឡាច ជរ បានបញ្ជាក់ថាមកពីឆ្លងចរន្តអគ្គីសនីទូរទឹកកក ៕
