កម្លាំងនគរបាលផ្នែកប្រឆាំងគ្រឿងញៀនស្រុកស្អាង បានអនុវត្តដីកាបង្គាប់ឲ្យចាប់ខ្លួន បឿន មនោ អាយុ ៣០ឆ្នាំ ជនជាតិខ្មែរ មានទីលំនៅភូមិព្រែកស្លែង ឃុំតាលន់ ស្រុកស្អាង ខេត្តកណ្ដាល។
ការចាប់ខ្លួននេះ សមត្ថកិច្ចធ្វើឡើងកាលពីថ្ងៃទី១៨ កុម្ភៈ ២០២៥ វេលាម៉ោង ២១:៣០នាទី នៅចំណុចភូមិព្រែកតាឯក ឃុំតាលន់ ស្រុកស្អាង ខេត្តកណ្ដាល ដោយសហការជាមួយកម្លាំងប៉ុស្តិ៍នគរបាលរដ្ឋបាលតាលន់ ។
ជនសង្ស័យមានដីកាបង្គាប់ឲ្យចាប់ខ្លួន ចំនួន៤ ពាក់ព័ន្ធនឹងបទល្មើស ជួញដូរ រក្សាទុក និងប្រើប្រាស់សារធាតុញៀន។ ការពិនិត្យទឹកនោម វិជ្ជមាន (+)។
បច្ចុប្បន្ន សមត្ថកិច្ចកំពុងបន្តកសាងសំណុំរឿងតាមនីតិវិធីច្បាប់ ៕
