សមត្ថកិច្ចបានឃាត់ខ្លួនយុវជនម្នាក់ឈ្មោះ ភួង ចំរើន (២៨ឆ្នាំ) ពាក់ព័ន្ធករណីលួចម៉ូតូសណ្តោងរ៉ឺម៉ក និងប្រើប្រាស់សារធាតុញៀន។ ករណីនេះ បានកើតឡើងនៅថ្ងៃទី១២ កុម្ភៈ ២០២៥ វេលាម៉ោង ០៨:២០នាទី នៅភូមិបុណ្ណា ឃុំព្រះពុទ្ធ ស្រុកកណ្ដាលស្ទឹង ខេត្តកណ្ដាល ។
ជនរងគ្រោះមានឈ្មោះ ជន ផាន្នី ភេទប្រុស (៤៤ឆ្នាំ) មុខរបរ ចិញ្ចឹមទា បានឃើញជនសង្ស័យកំពុងលួចម៉ូតូសណ្តោង រ៉ឺម៉ករបស់ខ្លួន ហើយបានព្យាយាមដេញតាមប៉ុន្តែមិនទាន់។ ក្រោយមកសមត្ថកិច្ចប៉ុស្តិ៍បឹងខ្យាងបានទទួលពាក្យបណ្តឹង និងចុះប្រតិបត្តិស្រាវជ្រាវ ឈានដល់ការឃាត់ខ្លួនជនសង្ស័យបានជោគជ័យ។
បន្ទាបពីឃាត់ខ្លួនជនសង្ស័យ សមត្ថកិច្ចដកហូតបាន ម៉ូតូសន្ដោងរ៉ឺម៉ក ១ គ្រឿង (របស់ជនរងគ្រោះ) និងធ្វើតេស្តទឹកនោមទៅលើជនសង្ស័យ លទ្ធផល វិជ្ជមាន (+) ។
បច្ចុប្បន្ន ជនសង្ស័យត្រូវបានបញ្ជូនទៅអធិការដ្ឋាននគរបាលស្រុកកណ្ដាលស្ទឹង ដើម្បីកសាងសំណុំរឿងតាមផ្លូវច្បាប់ ៕
