ជនសង្ស័យម្នាក់ រាល់ពេលប្រើប្រាស់គ្រឿងញៀន តែងតែរករឿងជេរបញ្ចោប្អូនស្រីជារឿយៗ លុះថ្ងៃមួយ ជនសង្ស័យរូបនេះ បានស្រែកជេរបញ្ចោ ដេញគប់ ដេញកាប់ និងគំរាមសម្លាប់ប្អូនស្រី ទ្រាំមិនបាននាងក៏ប្តឹងប៉ូលិសឲ្យឃាតខ្លួនចាត់ការតាមផ្លូវច្បាប់តែម្តង ។
ហេតុការណ៍ខាងលើ បានកើតឡើងកាលពីវេលាម៉ោងជាង ៩ព្រឹក ថ្ងៃទី១១ កុម្ភៈ ២០២៥ កន្លងទៅ នៅចំណុចភូមិបទុមសាគរ ឃុំកោះខ្សាច់ទន្លា ស្រុកស្អាង ខេត្តកណ្ដាល ។
នារីរងគ្រោះប្អូនឈ្មោះ ចាន់ អ៊ី (៣៩ឆ្នាំ) មុខរបរលក់ដូរ ។ ណែកកជនសង្ស័យឈ្មោះ ចាន់ អួ ភេទប្រុស (៤៥ ឆ្នាំ) មុខរបរ មិនពិតប្រាកដ (វិជ្ជមានសារធាតុញៀន) ធ្លាប់ជាប់ពន្ធធនាគារខេត្តកណ្ដាល ១ឆ្នាំ ១ខែ ពីបទលួច ។ អ្នកទាំងពីររស់នៅក្នុងភូមិ-ឃុំកើតហេតុ ។
ប្រភពីសមត្ថកិច្ចបានឲ្យដឹងថា ជនសង្ស័យជាមនុស្សប្រើប្រាស់គ្រឿងញៀនជាប្រចាំ និងតែងតែរករករឿងឡូឡាជេបញ្ចោរប្អូនសស្រី លុះនៅថ្ងៃកើតហេតុ ជនសង្ស័យបានស្រែកជេរឡូឡា ជេប្រមាថ និងបានយកកាំបិតបុ័ងតោ ដេញកាប់ និងយកដុំឈើគុបទៅលើប្អូនស្រី តែមិនត្រូវ ។ លុះល្ងាចថ្ងៃដដែល ជនសង្ស័យឃើញជនរងគ្រោះនៅក្រោមផ្ទះក៏យកកាំបិតបុ័ងតោដេញកាប់ម្ដងទៀតតែមិនត្រូវ ។
ក្រោយទទួលពាក្យបណ្តឹង នៅព្រឹកថ្ងៃទី១២ កុម្ភៈ ២០២៥ សមត្ថកិច្ចបានចុះទៅនាំខ្លួនជនសង្ស័យយកមកប៉ុស្តិ៍ដើម្បីធ្វើការសាកសួរ ។ បច្ចុប្បន្នជនសង្ស័យត្រូវបានឃាត់ខ្លួននៅអធិការដ្ឋាននគរបាលស្រុកស្អាង ដើម្បីកសាងសំណុំរឿងចាត់ការតាមនីតិវិធី ៕
