មនុស្សប្រុស-ស្រី ពីរនាក់ បានរងរបួសធ្ងន់-ស្រាល ដោយគ្រោះថ្នាក់ចរាចរណ៍រវាងម៉ូតូធំ ជាមួយម៉ុតូស្កូពី កាលពីវេលាម៉ោងជាង ៧ព្រឹក ថ្ងៃទី២៧ មករា ២០២៥ នៅចំណុចខាងមុខការាសសាំង សាវីមុិច លើផ្លូវជាតិលេខ២១ កែងផ្លូវបេតុង ស្ថិតនៅភូមិលេខ១ (ក) សង្កាត់ស្វាយរលំ ក្រុងតាខ្មៅ ខេត្តកណ្ដាល។
ប្រភពពីសមត្ថកិច្ចបានឱ្យដឹងថា នៅវេលាកើតហេតុខាងលើ មានម៉ូតូមួយគ្រឿងម៉ាក HONDA SCOOPY ពណ៌ស ពាក់ផ្លាកលេខភ្នំពេញ 1GQ-0155 បើកបរដោយឈ្មោះ សូយ ភឿន ភេទស្រី អាយុ ៣០ឆ្នាំ ស្នាក់នៅភូមិព្រែកសំរោង៣ សង្កាត់តាខ្មៅ ក្រុងតាខ្មៅ ជិះធ្វើដំណើតាមបណ្ដោយផ្លូវជាតិលេខ ២១អា មានទិសដៅពីជើងទៅត្បូង រួចបត់ឆ្វេងឆ្លងផ្លូវទៅកើត លុះដល់ចំណុចកើតហេតុក៌បានបុកជាមួយម៉ូតូមួយគ្រឿងទៀតម៉ាក YAMAHA FZ ពណ៌ក្រហម ពាក់ផ្លាកលេខភ្នំពេញ 1DB-2167 ពាក់មួកសុវត្ថភាព និងមានកញ្ចក់មើលក្រោយ អ្នកបើកបរមានឈ្មោះ សេន ស៊ាន ភេទប្រុស អាយុ ២៦ឆ្នាំ មានទីលំនៅភូមិលេខ១ ក សង្កាត់ស្វាយរលំ ក្រុងតាខ្មៅ រងរបួសស្រាល ត្រូវបានសាច់ញាតិដឹកទៅមន្ទីពេទ្យដោយខ្លួនឯង មានទិសដៅពី ត្បូង ទៅ ជើង ។ ចំណែកអ្នកបើកម៉ូតូម៉ាក HONDA SCOOPY រងរបួសធ្ងន់ត្រូវបានសាច់ញាតិដឹកតាម PASS APP យកទៅមន្ទីពេទ្យដោយខ្លួនឯង ។
សមត្ថកិច្ចបានបញ្ជាក់ថា មូលហេតុនៃគ្រោះថ្នាក់នេះ គឺមកពីអ្នកបើកបរម៉ូតូ HONDA SCOOPY បើកបត់ឆ្វេងឆ្លងផ្លូវខ្វះការប្រុងប្រយ័ត្ន រីឯអ្នកបើកបរម៉ូតូ YAMAHA FZ ក៏បើកក្នុងល្បឿនលឿនខ្វះការប្រុងប្រយ័ត្ន ៕
