មនុស្ស ៣នាក់ បានស្លាប់យ៉ាងអាណោចអាធ័ម ក្នុងហេតុការណ៍អគ្គិភ័យឆាបឆេះតូបលក់ដូរ នៅភូមិវិហារចិន សង្កាត់ស្វាយដង្គំ ក្រុងសៀមរាប ខេត្តសៀមរាប កាលពីវេលាម៉ោងជិត ៥ទៀបភ្លឺ ថ្ងៃទី២៧ ខែធ្នូ ឆ្នាំ២០២៣ ។
ជនរងគ្រោះដែលស្លាប់ ទី១-ឈ្មោះ វ៉ឹក ឡាន ភេទ ស្រី អាយុ ២៧ ឆ្នាំ មុខរបរ លក់ដូរ, ទី២-កូនក្នុងផ្ទៃ អាយុ ២ខែ និងទី៣-ឈ្មោះ ង៉ិក ឌី ភេទ ប្រុស អាយុ ០៤ ឆ្នាំ ។
ហេតុការណ៍ខាងលើ ក៏បានបង្កឲ្យឆាបឆេះតូបលក់ដូរអស់ចំនួន ០៤តូប និងផ្ទះចំនួន ០១ខ្នង ដែលមានម្ចាស់ឈ្មោះ លី ដារី ភេទ ស្រី អាយុ ៣២ ឆ្នាំ មុខរបរ លក់ដូរ ។
ករណីនេះ រថយន្តពន្លត់អគ្គិភ័យចំនួន ០៦ គ្រឿង បានចេញអន្តរាគមន៍បាញ់ដោយោប្រើប្រាស់ទឹកអស់ចំនួន ០៦ រថយន្ត ទើបអាចគ្រប់គ្រងបាន ។ ចំពោះមូលហេតុនៃការឆាប់ឆេះ សមត្ថកិច្ចជំនាញកំពុងធ្វើការស្រវជ្រាវ ៕
