ផ្ទះមួយខ្នង ដែលម្ចាស់ចាក់សោរផ្ទះទុកចោល ត្រូវជន (សតិមិនគ្រប់) យកភ្លើងដុត បណ្តាលឲ្យឆេះ បង្កការភ្ញាក់ផ្អើលនៅវេលាម៉ោងជិត ៤ទៀបភ្លឺ ថ្ងៃទី២៦ ខែធ្នូ ឆ្នាំ២០២៣ នៅចំណុចក្រុមទី១ ភូមិស្នឹងកើត ឃុំស្នឹង ស្រុកបាណន់ ខេត្តបាត់ដំបង ។
ផ្ទះដែលត្រូវអគ្គិភ័យឆាបឆេះខាងលើមានទំហំ ១៥ម៉ែត្រ×៧ម៉ែត្រ ០១ជាន់ជាប់ដី សង់អំពីថ្ម ដំបូលប្រក់ស័ង្កសី (ឆេះខូចខាតអស់ស្ទើទាំងស្រុង) រួមជាមួយសម្ភារៈ៖ គ្រែដេកចំនួន ២ , សាឡុង១ ,ហង្សតេ១ ,ទូទឹកកកចំនួន១ , ពូក , ភួយ និងសម្លៀកបំពាក់មួយចំនួនទៀត ដែលសរុបជាទឹកប្រាក់ប្រហែល ៧.០០០$ (ប្រាំពីរពាន់ដុល្លា) ម្ចាស់ផ្ទះឈ្មោះ រស់ បូរិន ភេទប្រុស អាយុ ៥០ឆ្នាំរស់នៅភូមិ ឃុំកើតហេតុខាងលើ ។
នៅក្នុងហេតុការណ៍គ្រោះអគ្គិភ័យខាងលើនេះដែរ សមត្ថកិច្ចបានចេញរថយន្តពន្លត់អគ្គីភ័យចំនួន ០៤គ្រឿង ចុះអន្តរាគមន៍បាញ់ទឹកពន្លត់ ចំណែកជនអ្នកដុតឈ្មោះ ស៊ួង ស៊ីវ៉ាន់ថា ហៅ ចេក ភេទប្រុស អាយុ ៣៧ឆ្នាំ (សតិមិនគ្រប់) រស់នៅភូមិបឹងចែង ឃុំស្នឹង ស្រុកបាណន់ បាត់ដំបង ៕
