ក្រុមការងារអន្តរាគមន៍បង្ក្រាបបទល្មើសចលនាសត្វ នៃអគ្គនាយកដ្ឋានសុខភាពសត្វ និងផលិតកម្មសត្វ សហការជាមួយការិយាល័យផលិតកម្ម និងបសុព្យាបាលខេត្តបាត់ដំបង នៅវេលាម៉ោង ១៨ និង៤០នាទី នាថ្ងៃទី ១៥ ខែវិច្ឆិកាឆ្នាំ ២០២៣ បានឃាត់ចាប់រថយន្ត ១គ្រឿង ម៉ាក SSANGYONG ISTANA ជាប្រភេទរថយន្តដឹកអ្នកដំណើ ១៥កៅអី ស្លាកលេខភ្នំពេញ ២AE-៨១៥៧ ពណ៌ទឹកប្រាក់ នៅចំណុចភូមិអូរដា ឃុំអូរដា ស្រុកកំរៀង ខេត្តបាត់ដំបង ។
រថយន្តខាងលើបានដឹកផលិតផលមានដើមកំណើតពីសត្វមាន៖
– ស្លាបមាន់ និងកោះមាន់ចំនួន ៣៥០ថង់ ស្មើ ៤.២០០គីឡូក្រាម
– ប៉ាតតេចំនួន ៤០០ថង ស្មើ ២.០០០គីឡូក្រាម
– ប្រហិត(ហតដក)ចំនួន ៥០០ថង់ ស្មើ ២.៥០០គីឡូក្រាម
សរុបទាំងអស់ចំនួន ស្មើ ៨៧០០គីឡូក្រាម ។ រថយន្តខាងលើនេះ បានដឹកផលិតផលមានដើមកំណើតពីសត្វមកពីប្រទេសថៃ តាមច្រកដូង (ឡែម) ស្រុកកំរៀង ខេត្តបាត់ដំបង ឆ្ពោះទៅលក់ចែកចាយនៅក្នុងក្រុងបាត់ដំបងដោយគ្មានលិខិតអនុញ្ញាតអ្វីទាំងអស់ ។ ក្រុមការងារបាននាំយកវត្ថុតាង និងបទល្មើសខាងលើនេះ ទៅរក្សាទុកនៅមន្ទីរកសិកម្ម រុក្ខាប្រមាញ់ និងនេសាទខេត្តបាត់ដំបង ដើម្បីអនុវត្តតាមនីតិវិធីច្បាប់ ៕
