ប្រជាពលរដ្ឋបានលើកឡើងថា ដីព្រែកមួយកន្លែង ដែលជាសម្បត្តិធម្មជាតិរបស់រដ្ឋ ស្ថិតនៅភូមិទួលស្រងាំ ឃុំអង្កោល ស្រុកដំណាក់ចង្អើរ ខេត្តកែប កំពុងរងការទន្ទ្រាន និងបំផ្លាញយ៉ាងអនាធិបតេយ្យពីសំណាក់ឈ្មួញមានលុយ មានអំណាច មួយកក្ដាប់តូច ដើម្បីយកធ្វើជាកម្មសិទ្ធរបស់ខ្លួន ដោយមិនខ្លាចរអារនឹងច្បាប់បន្តិចសោះឡើយ ។
ពលរដ្ឋបានលើកឡើងទៀតថា ដីព្រែកដែលជាសម្បត្តិធម្មជាតិរបស់រដ្ឋ នៅឃុំអង្កោលនេះ ស្ទើរតែគ្រប់ទីកន្លែងទៅហើយ ដែលត្រូវអ្នកមានលុយ មានអំណាច រំលោភយកធ្វើជាកម្មសិទ្ធិរបស់ខ្លួន ។
ពាក់ព័ន្ធនឹងបញ្ហានេះ ប្រជាពលរដ្ឋបានស្នើសុំយ៉ាងទទូច ដល់អាជ្ញាធរ ឃុំ ស្រុក ពិសេស ឯកឧត្តមអភិបាលខេត្តកែប មេត្តាជួយពិនិត្យមើលផង ៕
