ជនសង្ស័យម្នាក់ ឈ្មោះ អឿន ពិសិដ្ឋ ហៅគាំង អាយុ ៣១ឆ្នាំ (រស់នៅភូមិកើតហេតុ) បានធ្វើសកម្មភាពផ្លោះរបងចូលទៅក្នុងក្រុមហ៊ុនស៊ីភី ស្ថិតនៅភូមិព្រែកសំរោង១ សង្កាត់តាខ្មៅ ក្រុងតាខ្មៅ ខេត្តកណ្តាល ប៉ុន្តែត្រូវបានសន្តិសុខយាមនៅក្នុងក្រុមហ៊ុនដើរល្បាតឃើញក៏ឃាត់ខ្លួន រួចរាយការណ៍មកអ្នកគ្រប់គ្រងឲ្យប្តឹងមកសមត្ថកិច្ចប៉ុស្តិ៍តាខ្មៅ ធ្វើការឃាត់ខ្លួនយកមកសួរនាំនៅប៉ុស្តិ៍និងកសាងសំណុំរឿងចាត់ការតាមនិតិវិធី ដែលហេតុការណ៍នេះ បានកើតឡើងកាលពីវេលាម៉ោងជាង ១រំលងអធ្រាត្រ ថ្ងៃទី៣០ វិច្ឆិកា ២០២៤ ។
នៅចំពោះមុខសមត្ថកិច្ច ជនសង្ស័យបានឆ្លើយសារភាពថា រូបគាត់ពិតជាបានផ្លោះរបងចូលទៅក្នុងក្រុមហ៊ុនស៊ីភី របស់ជនរងគ្រោះ ដើម្បីរកចាប់ត្រីនៅក្នុងស្រះទឹកប្រាកដមែន ។ បច្ចុប្បន្នជនសង្ស័យកំពុងឃាត់ខ្លួនជាបណ្តោះនៅអធិការដ្ឋានដើម្បីចាត់ការតាមនិតិវិធី៕
